وساوس معتبره

Monday, May 23, 2011

الجيش والشعب ...... واحده !!

خلاص بقت حلاوة هيا .. الجيش والشعب والشرطة ايد واحده الجيش والشعب وامي وامك والشياطين والملائكة و الصراصير والنمل والغزلان والأسود والبراغيت والفليت ايد واحده !!
النهارده المفروض كل الناس تكتب عن المجلس العسكري نقد عشان نطلع من فكره الخوف من النقد والتقديس للجيش ... بصو انا معنديش تار بايت مع الجيش .. ولا عايز اطلع اعمل انقلاب زي ناس ولا طنطاوي قتل ابويا .. معنديش مانع كمان من المجلس العسكري يكمل الفتره الأنتقالية وميبقاش في مجلس رئاسي .. مع احترامي الكامل لوجاهة الفكر القائل بالمجلس الرئاسي .. بس مش حيحصل -- انا عن نفسي مش فارق معايا.... كجن طيب عايز بس اوشوش في ودنكم شوية بكلمتين تاعبيني
اولا الجيش يحكم ولا بيدير ولا بينل اي شيء فليس من حقه تصنيف الناس عنصريا ده بلطجي وده ناشط .. والبلطجية يستحقوا محاكمة عسكريه .. لأ طبعا لأ ..
اولا : البلطجية والناشطين وكل الناس بيتحاكمو محاكمات عسكرية " ما عدا مين ؟ حد عارف؟
ثانيا : حتى لو بلطجي مينفعش تحاكمو امام المحاكم العسكرية ... بدون محام ولا اي قدره على الطعن
ثالثا: انت بتستفز فيا القدرة الشيطانية على الشخر لما اعرف ان القائد الأعلى السابق للقوات المسلحة باعتراف المشير طنطاوي اصدر أؤامر بفتح النار على المتظاهرين ثم تقولي اصله حيتحاكم محاكمة مدنية وعمرو البحيري وطارق شلبي وكل ناشط لما اتمسك كان بيتحاكم محاكمة عسكري ؟ طب ايه ؟ الجن مبيشخرش .. اشخر انت لو عايز
انا عايز اسأل سؤال شيطاني تاني ممكن يخليك تلف حوالين نفسك ... هو مين كسب في الثورة ؟
انا مش شايف اللي كسب هو اللي بيتحاكم محاكمات عسكرية وبيتسحل وبيتركع على ركبه .. انا شايف اللي كسب هو اللي نجى من الموت والمذلة وقاعد معزز مكرم هو المزة في المستشفى ووزير الصحة يوميا منزلهم اتنين بيره مشبره على مزة !!
الشعب والجيش ايد واحد ؟ امتى ؟ ايام الثورة !!
دلوقتي الجيش هو الأدارة السياسية للبلاد يعني لابد ان يتقبل النقد !! لابد ان ينصاع لمطالب الثورة " حلوة ينصاع دي "
الجيش وطني وكل حاجة بس اسمع كلامك اصدقك اشوف احوالك استعجب .. تقول حوار وطني ووفاق وطني وخراء وطني وتطلع القانون قبل ما يبدأ ..؟ ايه طيب؟ اقول ايه طيب ؟
مش حقول اكتر من ان 500 واحد الحاضرين كان منهم 60 واحد من ائتلافات الثورة و 210 من الحزب الوطني ...
طب اقولك ايه يا جيش يابو ايد واحده ؟ اقطع ايدي عشان ميبقالكش عليا جميلة ؟
لأ يا مجلس انت وطني وبحبك ووقفت مع الثورة ولكن قمت بكثير من الخطوات المريبة الغربية التي تشكك في نواياك !!
هات حسني من شرم
حل المجالس المحلية
بطل ومحاكمات عسكرية واتشطر على الحمار شوية عشان البردعة تعبت
متفضش اعتصامات بالقوة تاني
ومتبقاش حنين فشخ من الأحداث الطائفية وتفشخنا في اي اعتصام سلمي
متجبش ولاد الوسخة في اي مؤتمر او حوار وطني تاني ..
وانا اضمنلك ان الناس حتنرجع تحبك وتقولك الشعب والجيش ايد واحده وحيبطوك ويهتفلولك ويعلملوك يا طنطاوي تماثيل اول ما نوصل لرئيس منتخب .. بس ابوس رجلك .. متوصلناش ان احنا نحس ان الرئي المنتخب اللي جاي هو حسني مبارك
وشكرا

4 comments:

  1. و شكرا...ويل سيد :D

    ReplyDelete
  2. وانا معاك يا عبده
    المهم دلوقت نوصل لانهاء المرحله الانتقاليه باقل الخسائر

    ReplyDelete
  3. طيب هانعمل ايه لما هانقف ضده ما هو اخر امل يا شمهورش ؟ احنا هانكون فى كارثه الايام اللى جيه ..

    ReplyDelete
  4. ماهو احنا لا نروح نعمل فيه عمليات ارهابية ولا نحرق ثكناته " زي ما حرقنا ألقسام" ولا نططاي خالص ومنعتضرتش !!
    احن لازم نعترض ونقول اللي مش عاجبنا ونطلع في مظارهات سلمية ... لو هو ضرب .. حنتحول نبقى ليبييا وديمش في مصلحة الطرفين ولكن الخوفم ن السيناريو ده مش معناه ان احنا نسكت على المحاكمات العسكرية التعريص في الحوار الوطني و الأستعباط في القرارات القرديه والقنوانين بنت التيت .. ما كنا سيبنا مباركم لو خايفين يعني !!
    احنا لا نضرب الجيش ولا الجيش يضربنا .. انا نطلب المطالب أدب واحترام وسلمية ... ولو هو استعبط يبقى عدانا العيب !!

    ReplyDelete

Xml Blogger Templates