بخصوص المرحلة الثانية والثالثة
قايمة التحالف ناقصه دعاية اوي .. وده مش عيب .. نظرا لأن مفيش دعوة ولا جماعة ولا شركة اتصالات بتدعم القائمة دي :(
وزي ما شفنا ان الدعاية بتجيب اصوات شوف الكتلة مثلا
وان في القايمة النسبية اي صوت بيفرق
وان ناس كتير انتخبت مرشح العمال في الأخوان عشان معرفوش اصلا مين نازل قصاده
ازاي بقى نقدر ندعم قائمة كده بالأعمال الفرديه ؟
مش تستنى هما يعملو اعلان عندك
ادخل على موقع القائمة وعلى صفحة القائمة نزل منها
صور الفلاير او بانر
وكل واحد في دايرته يطبع اللي يقدر عليه ويوزعه ...
يعني في مصر كلها الألف ورقة ابيض واسود 50 جنيه
والألف ملون 300 جنيه
ومتر البانر ب 20 جنيه
خلينا اجابيين حتى لو معناش تمويل .. عندنا ناس كتير مؤمنين بالفكره
مش لاقي مطبعة؟ .. اسأل اي واحد من اللي بيعلقو اليفط
فين المطبعة في بلدك واطبع فيها
مينت حيوزعها .. لو شاب اقف وزعها بنفسك بعد صلاة الجمعة او اي اماكن التجمع
لو راجل كبير ومش عايز تعمل كده
اطبع بانر احسن وعلقه او جيب شاب صغير خليه يوزع
فين التصاميم ؟
على موقع القائمة
او صفحتها على الفيس بوك
انا لا اتبع تنظيميا التحالف او اي من احزابه
ولكني بحاول اساعد لأني زيك مش عارف اوصل للمسؤلين عنه
عبدالرحمن كمال
