المسيرة

لا تسقطو الغصن الأخضرَ من يدي *

فأنني سألفه في لفافةٍ

ينسيني دُخَانها أمسي وغدي 

ينسيني  دُخَانها الأزرقُ 

طعم المذلةِ والردى 

ينسيني اشلاء اطفالٍ 

ماتوا سدى 

ينسيني حيواتهم القصيرة ْ

.. 

يا قومي 

أنا لست خائنا 

أنا ضحيت ببعضنا 

لكي يعيش الجميع

حياة وثيرة .. 

وضحيت من اجل نومكم 

بمضجعي 

ورضيت من اجلكم 

بكوابيس الخيانة العسيرة 

.. 

سيقول الحمقاء ماذا عن 

الجولان الأسيرة 

لا تتهموني بالخنوعْ 

أنا حميتكم من الجوعِ...من الموت بلا طائل ٍ 

رافضين الركوعْ 

 لا تسقطوا الغصن الأخضر من يدي 

فأنني لن أسقطه 

ولو ناشدتني الجموع 

فلن ارتضي عزتكم 

بديلا لعرشي 

ولن اقايض بحكمي الرشيد

احلام الشباب الغريرة 

..

أنا أحمي العشيرة 

.. 

فأخلطو دقيق خبزنا الشامي 

بماء الذل

ودماء درعا 

وأشلاء الأطفال 

وبعض الملح 

واخبزو لنا كعكة ً 

تقوينا على ان نستكمل

-بالجعجعة المقدسةِ - 

 المسيرة ...

عبدالرحمن كمال 

28 مايو 2011 

(*) مع الأعتذار لعرفات صاحب المقولة

جمعة الغضب بلس تو .. .مليونية الثغر. كانك فيها !

مساء الفل تاني يا ثورجية ويا كنبجية سواء كنتم من قوى ليبرالية  او سلفية اواخوانجية

بس التدوية ديه

 مش للمصلحجية

ورقصني يا جدع :))))

التدوينة  مش عباره عن اللي حصل النهارده من وجهة نظري بس

انا ححاول ادعم كل حته فيها بصورة او فيديو

حشرح احساسي كواحد شارك في جمعة الغضب الثانية

حتكلم عن اللي حصل النهارده من 11 لحد الساعة 4

حتلكم باستفاضة عن الأخوان وموقفهم

حتكلم عن موقف الجيش   و سياده اللوز شاهين

جمعة الغضب الثانية بدأت الدعوة ليها من اسبوعيت تلاته .. وكانت مالهاش مطالب واضحة بس تبلورت في الأخر في 7 مطالب ليس من بينها مجلس رئاسي وليس من بينها دستور جديد قبل الانتخابات لأسباب يطول شرحها ولكن كان هناك اسباب معتبرهه للنزول

تسطيع مراجة تدوينتي السابقة انا عارف انا نازل ليه ..انت عارف ؟

المهم رحت الصبح القائد ابراهيم  .. قابلت الشباب من حملة دعم البرادعي  وشباب من حشد و 6 ابريل وغيرهم وغيرهم و كنت الساعة 12 مرعوب من المنظر الموضوع شكله حيفشل مفيش حد  !!

المهم صلينا ولو ما خلصنا صلاه " كملحدين وكفره وولاد تييييت كماوصفنا البعض  طبعا احنا كمان بنصلي"

المهم اول ما خلصنا صلاة بص حواليا لقيت كل الناشطين كأن  عيالهم بتتجوز .. العدد صدمني وصدمنا كلنا .. لم نتوقع ذلك .. اطلاقا .. تخطت قدرتنا على التفائل اصلا !! بقيت غير متزن عمال اكلم في صحابي .. ومكذبش عليكم حسيت ببعض الشماته في الأخوان و السلفيين

شعرت بالأنتصار عارفين ليه ؟ حسيت بالأنتصار ؟ عشان كان في حرب .. احنا اتهاجمنا مهاجمة الكفار يوم بدر ..  فلا تتوقعوا مننا ان نكون بسماحة الرسول يوم الفتح !!

ما علينا احنا مشينا في الشارع وطلعنا على شارع بورسعيد

ووقفت بعد ساعة من المشي عند كلية سان مارك  وطلعت فوق التندة بتاعت محطة الأتوبيس

ابص ورايا .. مش شايف نهاية  المظاهره عند الشاطبي

ابص قدامي مش شايف نهاية المظاهره عند كليوبترا فمقدرش اقول هيا انتهت فين !!

طبعا انا عمري ما شفت العدد ده غير في جمعتين

 جمعة التنحي المهولة

وجمعة 4 فبراير

احنا مش اقل من مليون في تقديري .. وحياة ربنا انا محايد جدا انا بقول وجه نظري .. انا العدد ده مشفتوش غير في مليونية

فتحت تويتر قلت اشوف الناس بتقول ايه

لقيت رصد كاتبه مئات المتظاهرين في شارع بورسعيد في الأسكندرية

كنت حقع من طولي

موقع اخوان اون لاين بيقولك الميدان في التحرير فاضي

نوارة نجم بتسب وتشم وتلعن الاخوان وبتقول يا بتوع ربنا الكذب حرام حرام " مع انها طول عمرها تدافع عنهم وكانو بيقولو عليها اخوانية"

قعدت اوصف للناس الصورة في اسكندرية واحسبن على رصد

 فضلت ماشي لحد الساعة 4 ونص كنا وصلنا قرب سيدي جابر .. ركبت وروحت

 اجمل الهتافات النهارده

اوعى يا مصري تخون افكارك .. دم الشهدا تاري وتارك " كلمة تخون افكارك اللي قالها صفوان دي هزتني من جوا " انا مش حخون افكاري عشان اي حاجة

هتاف تاني .. قالو علينا بلطجية .. واحنا شباب طالبين حرية

هتاف تالت الأخوان فين المصريين اهم !! ده في الفيديو

هتاف رابع الجدع جدع والجبان جبان واحنا يا جدع حنموت في الميدان ..

هتافات من نوع الشعب والجيش ايد واحده اتقالت محدش رد  ومن نوع حنشيل المشير الليلة دي متقالتش اصلا .. مفيش غلطة في الجيش مع ذلك !!

ده مبدأيا  كلام عن  اليوم  والأعداد والهتافات .. وشهاده الاقي بها وجه الله !!

دولجيتي  حتكلم عن حبة احاسيس وياريت متردش عليا " احا – سيس" لما اتكلم على الأحاسيس اللي كانت جوايا  وعن موقفي من الأخوان وغيرهم

انا بقى احساسي كواحد شارك في جمعة الغضب التانية هو اني كنت بوزع الورق يوم الخميس بليل في باكوس لوحدي وبدي الواحد الورقة وبهرب بسرعة اخاف يضربني من كتر منا صورتي متشوهه عند الناس

يعني انا بشهاده شيوخ الأسلام  السلفيين

علماني .. ليبرالي .. ملحد .. خارج على المجلس العسكري الحاكم

وبلغة البعض الأخر

الفاشل السياسي اللي عايز يمشي البلد على مزاجة

وبلغة الأعلان الرسمي للأخوان المسلمين اني ذاك الخائن الذي يثور على الشعب او يحاول الوقعية بين الشعب والجيش

انا الزنديق .. انا الفاشل .. انا عربيد انا الجاهل .. انا الملحد انا الخائن  !! شعور بالقهر الصراحة .. كان احد اهم الأسباب اللي خلتي احضن في الناس وابوسهم لما شفت العدد اول ما الصلاه خلصت !!

شعور التاني هو الصدمة لما لقيت الكذب البواح على موقع اخوان اونلاين عن اعداد المتظاهرين .. وعلى رصد .. الشعور بالقهر المرادي معرفش يوصلي كنت انتشيت بالعدد خلاص .. كنت بقول قولو زي ما تقولو ... اسكندرية بالذات مدينة بتفهم ومطلعتش بتصدق

شعور تالت ..وكأني صدقت الدعاية ان المسيحين والعلمانين والشيوعين هما حيكونوا قوام هذه المظاهره ..  تنحت ساعة صلاة العصر .. 90 % من الرجال اللي واقفين .. وقفوا يصلو !! تنحت والله

الملحدين بيصلو يا رجالة ..  ربما كانت هذه الثورة اقوى من مئات السنين من العمل الدعوي الي تخلي مئات الألاف من الملحدين يصلو !!

شعور اخير بقى لما شفت الصور والناس بتعلق بتقول ماهم خمس تلاف .. واللي يقول دي صور من جمعة التنحي  ورصد العبقرية اللي بتقول .. طب لو انت كتير بقى .. خايفين ليه من الأنتخابات ؟ واخير الأستاذ الكبير عصام العريان بيقول لا نعرف شيئا عن اوراق تسفيه الثورة التانية !! والأستاذ الأكبر حشمت بيقول مظاهره اليوم كانت ضد الشعب !!

عارفين الشعور التالت ده ايه بقى ؟ الأشمئزاز !!

مش اكتر .. حاسس بالخيانة الصراحة ... حاسس ان فلان الفلاني خان افكاره لما اخذ قرار ان التدليس حلال اذا وافق مصلحته !!

سيادة اللوز بقى .. قالك دي مش مظاهرات حاشده .. قالك الشعب قال نعم للجيش بنة 80 % طب انت تعرف كام واحد انا اعرفهم قلو نعم عشان الأستقرار والدنيا تمشي ونمنتخب رئيس بسرعة والجيش يمشي ؟

مين  الفيه الدستوري اللي قالك ان نعم كانت للجيش ؟  انا عارف الفقيه الدستوري اياه .. هههه معلش مش حقول اسمه انا قررت اني ابقى موضوعي

بس يا سيادة اللوا انت.. بس انت تتخطى الحدود  وتتخطى المنطق وتتحطة كل شيء .. قبل ذلك اعطيتنا 56 ماده بونص على 8 التعديلات

وعملت قوانين بالعبيط من دماغك .. متجيش دلوقتي بعد ما سكتنالك تدخل ب...... !!

ارجوك بلاش تصريحات مستفزة .. !!

بصو يا ثورجية انا اكتشفت ان كثير ممكن يتكلمون بان الأسلام منهجهم .. لا يستحون ان يتمرمغو في قذارة السياسية من اجل مصالح ضيقة ... بصوا يا كنبجية .. يا تنزلو مع او ضد .. يا تعلمو حاجة مفيده .. الشتيمة على الفيس بوك والفرجه على التفلزيون مش عمل ايجابي اطلاقا .. بصو يا اخوانجية فيكم عيال جدعة ومجدع ورجالة ومنهم ناس  كانو معايا النهارده وفيكم ايضا من لا يعرف الانصاف لعقله طريق .. الموضوعية قد خاصمته .. ده انا بتكلم على الشباب اما القيادات ومواقف الجماعة .. فانا لن اعلق سوى بجملة واحده "من حقك ان يكون لك راي وان يكون لي راي ولكن ليس من حقك ان يكون ان موقفك بعدها اني خائن عميل ملحد لأنني اختلف معك في الوسائل وليس  حتى المقاصد  ..." 

..

..

اسكندرية النهارده اثبتتلي انها مازالت مارية وترابها زعفران

تصبحوا على ثورة ..

انا عارف انا نازل ليه بكره.. انت عارف؟

مساء الفل يا ثورجية 

كلها ساعات واشوفكم الصبح في القائد ابراهيم .. وتقابلو بعض في التحرير بعد طول غياب

عشان نتفق الأول 

كل واحد نازل لأسباب في دماغه 

كل يغني على ليلاه يعني 

ناس نازلة عشان مجلس رئاسي 

وناس نازلة عشان دستور جديد 

وناس نازلة عشان حاسة ان في تار بايت مع الجيش انا مش شايفله اسباب واضحة 

وناس حاسة انها متضايقة وحاسة ان الثورة بتتسرق ودول الأغلبية 

انا بنتمي للفئة الأخيره دي وحشرحلكم اسباب النزول اللي اظن كلنا نتفق عليها دون مزايدات

انا عايز

1- محاكمات عاجلة وسريعة وعادلة لكل رموز الفساد   في مصر وعلى راسهم مبارك على قتل المتظاهرين والأفساد السياسي و الفساد المالي " وليس شوية فلوس يرجعو ونبقى صافي يا لبن حليب يا انجوي

2- محاكمة كل ضباط الداخلية المتهمين بقتل المتظاهرين وتعذيب النشطاء السياسيين  وتكريم اسماء الشهداء وصرف التعويضات المناسبة وعلاج المصابين على نفقة الدولة وحصولهم على الرعاية الكاملة والتعويضات المناسبة 

3- عزل النائب العام " ويجيبو واحد احسن منه.. مبارك معينوش ومش بيتعولق عشان مينقلش مبارك للسجن ولا بيدخل الناس كده وكده ويطلعهم بعديها بكفالات ولا ناوي يتصالح مع اي حد مقابل 1 %من فلوسه زي عب مجييييد 

4- حل المجالس المحلية واقالة المحافظين المحسوبين على النظام السابق وحرمان الحزب الوثني من السياسة لمده 5 سنوات 

ومنشوفش وشوشهم في مؤتمرات الخراء الوطني ده تاني .. مش طريقة يعني !!

5- رفع حالة الطوارئ والأفراج الفوري عن كل المعتقليين السياسيين بعد وقبل الثورة 

ووقف ام المحاكمات العسكرية لأم النشطاء السياسيين 

6- القائمة النسبية في مجلس الشعب وبلاش فرهده في مليونية تانية عشانها الجمعة الجاية 

7- تأجيل الأنتخابات لحين توافر الظروف الأمنية المناسبة .. وناقص تلات شهور على الأنتخابات ولسة مفيش احزاب ولا قانون مجلس شعب ولا اي ابن لذينة .. بقت صفقة مع الأخوان بره عننا .. انا عن نفسي مش عايز ادخل المجلس الشعب انا عندي 22 سنة بس ادو فرصة للي يستحق يعمل حزب يعمل دعاية مش ناقص 90 يوم ومطلعتوش قانون مجلس الشعب !!

8- انا نازل بكره عشان مش عايز ظابط ابن وزة جيش او شرطة يقول لمصري تاني اركع على ركبك !! 

9- حق المصريين في الخارج في التصوييت في كل الأنتخابات 

10 - اعادة هيكلة الاجور 

ومحدش ابن تيت برضو يهددنا ان البلد بتبوظ والبلد بتخرب ولازم نشتغل وهو شغلته كلامنجي وبياخد 150 الف جنية في الشهر !!

وبالمناسبة النزول بكره بالمطالب دي مش انقلاب على نتائج الأستفتاء .. اللي انقلب عليها اولو احد هو المجلس الموقر .. قصيدي المجلس العسكري لما صوتنا على 8 مواد عطالنا 56 بونص  

اخر حاجة بقى 

انا مع المجلس الرئاسي ومع الدستور الجديد بجمعية تأسيسية منتخبة وقلت لأ في الاستفتاء عشان كده 

ولكن بعد ال 77% العظيمة 

ارفض ( كمعظم الناس اللي انا اعرفهم نازلين) فكرة النزول لمجلس رئاسي او دستور جديد قبل الأنتخابات حتى لو انا مقتنع بيها ..

عشان اظهر قدر من الأحترام لأراده الشعب حتى لو لم اكن مقتنع بها !!

لو موافق على المطالب انشر 

صبحي صالح قاتل الفلاليط

حد يفكرني كدا اخر مره سمعنا كلمة نقاء الدم .. 

طب حد يقولي طيب اخر مره سمعت فيها عن جماعة تتزاوج من نفسها فقط لتحفظ العرق كام امتى ؟ 

حقولكم بس في الأخر

بيقولك 

"احنا مش هانغير الدين عشان يتوافق مع افكارك  ؟؟" 

والأختيار له ضوابط شرعية 

جميل اوي ... ده ربنا احل لك تتجوز المسيحية .. تقوم عشان " النصر" تؤمره ميتجوزش غير اخوانية  وتقوله الدين بيقول كده ؟

دين ايه ؟ 

الدين الجديد الذي تدعو اليه ام ماذا ؟ 

وهل المتدينة التي ليست من الأخوات لا تصلح ؟ 

ليه ؟ عشان لعبت عليه .. يعني لمواخذه كل اللي يتجوز واحده مش اخوات مسلمات يعني مش راجل عشان اتجوز امرأة لعوب

وكأن التدين لا يكون الا من خلال الإخوان المتأسلمين !! 

لأ وايه الذي ادنى بالذي هو خير !! 

من اعطاء هذا الحق العنصري في تمييز الناس ؟ هل تعرف الأيه دي نزلت في ايه ؟ 

وهل كان ليها اي علاقة بزواج الأخواني بغير الأخوانية ؟ 

ده شغل نصب لمواخذه بس فكك 

انا مش خايف غير من حاجة واحده بس 

في يوم من الأيام حتلاقي الحزب النازي او الشيوعي مسيطر على البلد تحت اسم .. حزب نصر الإسلام مثلا ... وحتكون الجماعة زي الأتحاد الأشتراكي كده تدير البلد من الباطن وسيكافأ كل الأخوان الأنقياء على كفاحهم ثمانين سنة ... بن يعتبر من سواهم موطن درجة تانية

تاني كده معلش اني اسف حد يفكرني كدا اخر مره سمعنا كلمة نقاء الدم .. 

شكلك مش عارف  

هناك عده نماذج اتنين حقيقين واحده قصة 

اول واحد يا سيدي هو الجنس الأري .. الذين ادعو فوقيته على كل اجناس الأرض وكانت القبائل الجرمانية لا تتزواج ال من بعضها  .. لحد ما جه سي هتلر .. واكيد الموضوع ده بقوانين عنصرية في العهد النازي .. واعتبر كل من الذين لا ينتمون للجنس الأري في مرتبه اقل .. وهو من اصطلح كلمة تطهير عرقي  وعلمه في بولندا 

للمفارقة بقى .. كان على راس القائمة التي يحتقرها .. هم اليهود .. الذين هم نفسهم المثال الثاني 

الصهونية تدعي بنقاء الدم اليهودي .. وانهم لا يختلطون ولا يلوثون دمائهم مع غيرهم  ولا احد يعتنق اليهوديه فقط تولد لأم يهوديه واب يهودي عندها تكون يهوديا !! 

ده نقاء الدم 

بس بعرضلك بس الأمثلة الممتازة من التاريخ للناس الي حاولت الحفاظ على السلالة 

ومن ناحية اخرى  فإن ديننا سمح لنا بالزواج من غير المسلمين اهل الكتاب " مش نصنف المسلمين نفسهم" 

والرسول نفسه تزوج مارية بنت شمعون القطبية ولكنها اسلمت !! 

المثال الكرتوني بقى هو هاري بوتر وفولدمورت دول الوحيدين " غير صبحي صالح"


 اللي تكلمو عن نقاء العرق في اخر 10 سنين  

حيث ان الساحر لم يكن يستطيع في هذه الرواية ان يتزوج من عامة الناس و ظهرت 


حركة معاديه لأبناء الدم المختلط  وقتلوهم بقى وبقت ليله !! 

على العموم الأخ الفلوطة النازي  محارب فلاليط الأخوان 

كشف عن وجه مشرق 

لا يقل سماحة عن وجه تيودور هرتزل .. او ادولف هتلر او لورد فولدمورت 

ياريت صبحي يقعد في بتهم لأ غالبا اللي بيفكرو كده يا بيتعدمو يابينتحروا يا بيودوا 


نفسهم وبلدهم في داهية 

 هايل هتلر 

والله الموفق والبوستعان !!

فوازير شعرية عن اشخاص اعرفها

اللي عرف نفسة يكومنت
تقدر تكومنت حتى لو مش مدون متخنقونيش

(1)

برائة الأطفال في عينيه .... والسمتُ سمتِ أبي لهبْ

مواهبٌ قد حازها في الف ... صنف غير الطب وألأدبْ

مبدعٌ هو في كل ذاك ... وإبداعه لا يقدر بالذهبْ

(2)

إن أراد فعل شيئ ..اتقنه ...... قد علمنا معنى التفاني

متفرد في الطب..ما احسنه ..... والشعر ما احسن البيانِ

ولولا أني عرفت  صدقه..أيقنه... لقلت يخدعني بسحر البياني 

(3) 

يجيد التعامل مع أي شخص .. قد حاز تقدير جُلُ البشرْ

من لا يستلذ بصحبته .. فليمت كيدا او ينتحرْ

إن لم تعرفه بعد ذلك.. فهو قال " تيت" للبقرْ

(4)

 تحارب في كل جبهة كل الطغاة .. بنفس العزيمة 

لو طأطأ الف ذكر رأسهم.. لن تقبل هزيمة 

تحارب طواحين الهواء بكل "اماني" العمر السقيمة

تواجه ألف نذلٍ بوجه صلبٍ.. وتخفي غصة الحلق الأليمة

(5)

معلمتي الأولى والأخيرة ... في زمن المبادئ  الأجيرة 

معلمتي ان الأنسان تصنعه... مواقفه لا الألقاب الكثيرة

معلمتي أن لا شيء يجدي .. لو قبلتُ العيش بعين كسيرة

معلمتي منذ كنت صغيرا معاندا وكنتِ دوما الكبيرة

الحويني والجهاد والنسوان

لن يعترفوا ابدا بخطأ النبي المعصوم ابو اسحاق اعلم اهل الأرض..فالخطأ من الصحيفه لأنها انتقدت او نشرت كلام النبي المرسل الحويني وخطئي لأنني نشرته ... مع ان كلام الأنبياء والعلماء واعلم اهل الأرض يقال لينشر لا يقال ليخبأ خجلا منه !!!
ككككككككككلللللل اللي بيدافه عن الشيخ .. وبيهاجم في صحفية نقلت كلامه بالحرف .... لابد ان تسقط موضوعيتك في نظرك بعد الأن كما سقطت في نظري .. لأنها لو لم تسقط في نظرك .. لسقطت انت في نظر الكثيرين...


وبالنسبة للجهاد فاعرفو ان الجهاد الطلب في الأسلام فرض عندما نمنع من الدعوه في بلد ما ... مش لما نتزنق في فلوس نروح نجيب جواري ...
خصوصا لو علمت ان حرية العباده والدعوة لدينك مكفوله في اوروبا اكثر من كثير من بلدان المسلمين .... انت تعرف انك لو التحيت في لندن لن يوقفك احد كالجزائر مثلا ولو صليت الفجر لن يكون لك ملف كما كان في تونس ...
فكلام نبيكم الذي  لا يخطئ هذا درب من العبث ... درب من الخيال .. وانفصام في الشخصية .. اشعر فيه بالشفقه عليه .. لأنه يعيش عالما في كتبه يذاكر ويحدث نفسه والناس بمقتضيات القرون الوسطى ...
الذكي لا يعلم ان الرق انتهي من العالم من قرن ونيف .. وان اول من حارب الرق بالكفارات هو الرسول
العبقري لم يعرف ان الجهاد لم يشرع " عشان نرجع ب 4 نسوان واربع شحطة" ونبيعهم الواحد ب 300 درهم


ثم تلوم على الناس لنها نقلت كلامه ؟ اليس عالما ينقل كلامه ؟ وخطأؤه وصوابه حتى يحلل ؟ ام انه من العامة ؟
هو له اتباع يسمعون هذا الهراء فينتشون ويشهقون في نشوة في مجالس اجترار الماضي ويقولون الله !! 
وهو له تأثير في الناس .. وكلامه ينقل ... ولو عندك ذرة موضوعية ستعترف بخطاؤه قبل ان تبدأ الحوار اصلا !! فكل الناس يؤخذ منه ويرد عليه الا الرسول المعصوم .. صلى الله عليه وسلم..
فلا تتعصب لغبي ... او جاهل لأنه ينتمي لتيارك الفكري 

يسري فوق الجميع !!

يسري فوده

ده هو كان الجناح اللإعلامي للثورة

يسري فوده يوم خرس الجميع

28 يناير

لما تشوف الفيديو ده الكلمات لن تصف شعورك بالفخر !

قال : هذه ايام مجيدة من ايام مصر

والعرب

هذه ... أيام الغضب

الغباء المستحيل!

الغباء المستحيل!

ما سر الغباء المستحيل ؟

من أخترع الغباء المستحيل ؟

هل انا متخلف ؟

سؤال يطرح نفسة بشدة في الآونة الأخيرة!

هل أمثالي لا يستطيعون تحقيق ما يريدون أبدا في تلك الكلية اللعينة ؟

هل كتب عليَّ أن أعيش في أروقة "الجيد" مهما بذلت من جهد لأعتلي منصة "الامتياز"؟

كل هذه الاسئلة لن تجد الاجابة عنها في هذا العدد ،

قاتل برجلك وإيدك واسنانك في هذا العدد من "الغباء المستحيل" . . . .

************

(1) البداية

أنهيت العام الجامعي الأول في كلية طب بتقدير جيد جدا (راجع الجزء الأول العدد 1235 " النجاة من التشريح") وظننت أني قد ظلمت نفسي بعدم المذاكرة في أول عام ونظرا لأني كنت قد شغلت نفسي بألف شيء في تلك السنة فإني لم ألم إلا استهتاري ولعبي وقررت أن أقطع الكتب العام القادم أشتريت أضخم كتب التشريح للعام الثاني واخذت في مذاكرته في الصيف بهمة لا تفتر ولكن لسرعان ما فترت ،

ولكنني في هذا العام أشتركت في عدة نشاطات لها نشاطات حمضية مذيبة لعامل الوقت الذي سرعان ما تبخر بعدما ذاب !!

فكانت النتيجة الطبيعية أن أحصل على جيد في النصف الأول من العام (راجع الجزء الثاني العدد 1236 "مذبحة البايو" ) قررت "بشمللة" (مشتقة من شملول) غير عادية أن أعوض النصف الثاني ولكن على الرغم من أني ذاكرت قبل الامتحان مباشرة وأضعت كثير من الوقت قبل ذلك فإني قدد رايت أني حللت بطريقة جدية وجيدة حيث أني ذاكرت النظري جيدا جدا ولكن كانت المفاجأة الغير السارة في أني لم أعرف شيئا في اسئلة الأختيار من متعدد (راجع الجزء الثالث العدد 1237 "الأختيارات الرهيبة") وكانت النتيجة الحتمية أن أحصل على جيد كتقدير عام لجهودي المتواضعة في تلك السنة العجفاء . . . .

****

(2) الوهم المتكرر

كالعادة بدأت العام بكل أمل في الحياة وأن كثيرا من الاوائل الآن قد فعلوا ذلك بعد العام الثاني أي في العام الثالث ، فقمت بحجز كورسات عند أفضل الدكاترة وبدأت المذاكرة فورا بدون تضيع وقت في أي شيء اللهم إلا في العيد الكبير و ما يثير الحنق فعلا أنه كان عندي أمتحان بعد هذا العيد واستطيع ان أقول انني سأحصل فيه على درجة جيدة لم احصل على مثلها في أي أمتحان ذاكرت له بجدية ولكن انا "جايلك في الكلام اهه" .

الشاهد، بدأت مذاكرة بهمة لا تفتر "كالعادة" درسا بدرس ومحاضرة بمحاضرة حتى ظننت "وإن بعض الظن أثم" أني قد تحسنت عن العام الفائت واني لأظن ان عبدالرحمن يلحظ ذلك ، لكن بدات المفاجات غير السارة في التوالي ، ففي علم البكتريا وهو علم آخذ فيه درسا وراجعته وذاكرته كثيرا جدا تأتي المفاجأة غير السارة بأني أحصل على خمسة عشر من عشرين في حين تتراوح درجات الكائنات العاقلة ذات القشرة الرمادية على المخ بين 17 إلى 20 حتى من لم يذاكر منهم ، بدأ الشك (وبعض الفئران ) يلعبون في "عِبِّي " وهذا هو موضوع الفصل القادم ،

ولكن دعنا نكمل ، ساورني الشك بأني متخلف لا أكْذُبك القول ، ولكن ما أكد لي الأمر هو أمتحان العملي لنفس المادة حيث أنني ذاكرت جيدا جدا و رأيت العملي جيدا جدا وكنت أشرح لزملائي ولكن "هيهات هيهات ان يغني الحمارُ" هذا المثل من تأليفي ..

أين كنا ؟ آه الحمار ، فهيهات هيهات ان يغني الحمار أخطأت في أخطاء لا يخطؤها إلا فاشل لا يعرف شيئا في شيء (ما عدا خطأ وحيد لم أذاكره جيدا وليس هو ما يثير حنقي ) ولكن ما أثارني هو ما ذاكرته وشرحته لغيري وحللته خطأ كان هذا غباءا مستحيلا ... . .

****

(3) شك، فئران ، حبل سري وأشياء أخرى

كما قلت بدأ الشك يساور عقلي ، وبدأت كثير من الفئرات تمرح لاهية في "عبي " هل هناك سر أخفته عني أمي ؟ هل إلتف حبلي السري حول عنقي وانا اولد فمنع عني الهواء وسبب ضمورا او دمارا" لمركز حل الاسئلة" في المخ ؟

إن كان الأمر في المذاكرة فأنا أذاكر بكل طاقتي واعرف أني اذاكر أكثر من كثير من خلق الله في هذه اللعنة أقصد الكلية !!

إن كان الأمر في قوة الحفظ فأنا حفظت الكلام عن ظهر قلب !!

إن كان الأمر في الفهم ، فهذا بشهادة الجميع اكون من أكثر الفاهمين لأي محاضرة (وقت شرحها طبعا!! ) وغير هذا فإني كنت صباح هذا الامتحان المشؤوم اشرح لأقراني وافهمهم (في هذه النقطة اشبه صديقنا سكوبل) .

إن كان الأمر في للأسئلة التي أخطأت فيها فإنها كان تافهة مقارنة بما اعددت نفسي له .

إذا إين الخطاأ لا أعرف لست أجد تفسيرا الان غير شيء من ثلاثة

1- نظرية الحبل السري

2- محسود أو معمول لي عمل

3- ان الله يسلط علي هذا بذنوبي ( وهذا الأمر يؤرقني فعلا )

****

(4) الخاتمة

عرفت ان عندي غباءا مستحيلا ، وهو ظاهرة لا يمكن تفسيرها بتفسير واضح على الاقل من وجهة نظري أنا ،

هذا الكم من السخرية منبعة بحر من المرارة اللاذعة في داخلي لا اعرف كيف اصرفها ولست أستهزئ على نفسي او الكلية .

لا أعرف مذا أفعل أنا فعلا مكتئب هل اكمل في هذا الطريق وأذاكر واتحسر بعد ذلك أم اخدها من قصيرها واقضيها وأعيش الدنيا .

احتاج إلى من يشور علي براي سديد بماذا أفعل الآن ، انا فعلا في حالة من الدوخان ولا أعرف ماذا أفعل!

تمت

العدد القادم : "الموت في المشرحة

أمل دنقل كلمات سبارتاكوس الأخيرة رسالة لأهل مصر

لا تحلُموا بعالمٍ سعيدْ
فخلف كل قيصر يموتُ: قيصرٌ جديد

وخلف كل ثائرٍ يموتُ: أحزانٌ بلا جدوى

لا شيء عندي كي اخسره

لا شيء عندي كي اخسره

سوى وهم ابتعته بإرادتي الحرة المجبرة

لا شيئ عندي كي أخسره

نظرةُ الهيامِ لا تُغنِي عنها

الف كلمةٍ في قصائدٍ مُسَطــــَّرَه

لا شيئ عندي كي أخسره

مطارحة الغرام لا تغني عنها

شهقاتٍ مسروقةٍ امامَ قنواتٍ مُشفرَّه

لا شيئ عندي .. ذو قيمةٍ ..

سوى بقيةٍ ..

من كرامةٍ و وشجاعةٍ وومروءةٍ ورجولةٍ مُهَدَّرَه

لا شيء عندي كي اخسره

من يعشق مومسًا .. لا يلوم الزناةِ

لا يلوم الزناةِ .. او دعاةِ المَسْخَرَة !!

لا شيئ عندي كي أخسره

من يحب المومسَ لا يلوم المومسَ لو قبلت

كل الرجال بنفس الأنفاس المعطرة !!

لا شيئ عندي كي أخسره

لا تلوم سوى نفسك لو ظللت تحبها

او قايضت بكرامتك المغفرة

لاشيء عندي كي اخسره .. سوى كرامتي

انت…. لم تكوني ابدا .. شيئا .. كي اخسره

19 مايو 2011

الجيش والشعب ...... واحده !!

خلاص بقت حلاوة هيا .. الجيش والشعب والشرطة ايد واحده الجيش والشعب وامي وامك والشياطين والملائكة و الصراصير والنمل والغزلان والأسود والبراغيت والفليت ايد واحده !!

النهارده المفروض كل الناس تكتب عن المجلس العسكري نقد عشان نطلع من فكره الخوف من النقد والتقديس للجيش ... بصو انا معنديش تار بايت مع الجيش .. ولا عايز اطلع اعمل انقلاب زي ناس ولا طنطاوي قتل ابويا .. معنديش مانع كمان من المجلس العسكري يكمل الفتره الأنتقالية وميبقاش في مجلس رئاسي .. مع احترامي الكامل لوجاهة الفكر القائل بالمجلس الرئاسي .. بس مش حيحصل -- انا عن نفسي مش فارق معايا.... كجن طيب عايز بس اوشوش في ودنكم شوية بكلمتين تاعبيني

اولا الجيش يحكم ولا بيدير ولا بينل اي شيء فليس من حقه تصنيف الناس عنصريا ده بلطجي وده ناشط .. والبلطجية يستحقوا محاكمة عسكريه .. لأ طبعا لأ ..

اولا : البلطجية والناشطين وكل الناس بيتحاكمو محاكمات عسكرية " ما عدا مين ؟ حد عارف؟

ثانيا : حتى لو بلطجي مينفعش تحاكمو امام المحاكم العسكرية ... بدون محام ولا اي قدره على الطعن

ثالثا: انت بتستفز فيا القدرة الشيطانية على الشخر لما اعرف ان القائد الأعلى السابق للقوات المسلحة باعتراف المشير طنطاوي اصدر أؤامر بفتح النار على المتظاهرين ثم تقولي اصله حيتحاكم محاكمة مدنية وعمرو البحيري وطارق شلبي وكل ناشط لما اتمسك كان بيتحاكم محاكمة عسكري ؟ طب ايه ؟ الجن مبيشخرش .. اشخر انت لو عايز

انا عايز اسأل سؤال شيطاني تاني ممكن يخليك تلف حوالين نفسك ... هو مين كسب في الثورة ؟

انا مش شايف اللي كسب هو اللي بيتحاكم محاكمات عسكرية وبيتسحل وبيتركع على ركبه .. انا شايف اللي كسب هو اللي نجى من الموت والمذلة وقاعد معزز مكرم هو المزة في المستشفى ووزير الصحة يوميا منزلهم اتنين بيره مشبره على مزة !!

الشعب والجيش ايد واحد ؟ امتى ؟ ايام الثورة !!

دلوقتي الجيش هو الأدارة السياسية للبلاد يعني لابد ان يتقبل النقد !! لابد ان ينصاع لمطالب الثورة " حلوة ينصاع دي "

الجيش وطني وكل حاجة بس اسمع كلامك اصدقك اشوف احوالك استعجب .. تقول حوار وطني ووفاق وطني وخراء وطني وتطلع القانون قبل ما يبدأ ..؟ ايه طيب؟ اقول ايه طيب ؟

مش حقول اكتر من ان 500 واحد الحاضرين كان منهم 60 واحد من ائتلافات الثورة و 210 من الحزب الوطني ...

طب اقولك ايه يا جيش يابو ايد واحده ؟ اقطع ايدي عشان ميبقالكش عليا جميلة ؟

لأ يا مجلس انت وطني وبحبك ووقفت مع الثورة ولكن قمت بكثير من الخطوات المريبة الغربية التي تشكك في نواياك !!

هات حسني من شرم

حل المجالس المحلية

بطل ومحاكمات عسكرية واتشطر على الحمار شوية عشان البردعة تعبت

متفضش اعتصامات بالقوة تاني

ومتبقاش حنين فشخ من الأحداث الطائفية وتفشخنا في اي اعتصام سلمي

متجبش ولاد الوسخة في اي مؤتمر او حوار وطني تاني ..

وانا اضمنلك ان الناس حتنرجع تحبك وتقولك الشعب والجيش ايد واحده وحيبطوك ويهتفلولك ويعلملوك يا طنطاوي تماثيل اول ما نوصل لرئيس منتخب .. بس ابوس رجلك .. متوصلناش ان احنا نحس ان الرئي المنتخب اللي جاي هو حسني مبارك

وشكرا

أزمة ثلث العمر

عجيب أمر الانسان .. في يوم يشعر إنه ملك الدنيا .. اكثرها موهبة .. احّدها ذكاءا .. اوسعها معرفة .. ارقها طبعا .. واكثرها رومانسية ... وفي يوم يحس إنه لاشيء .. وأن كبرياءه مبالغ فيه .. وان ثقة في نفسه لا تستحق كل هذه الضجة .. تظن هذا مَرَضيا ؟ فكر ستجد نفسك خضت خلال هذا الامر على الاقل مرة في حياتك ؟

أنا عارف حتقول إيه .. إني مازلت صغير جدا على ازمة منتصف العمر .. ولكن ما لاحظته إن هناك اناس كثيرون يمرون بنفس الاعراض في نفس السن و نفس الاعراض .. اقترح تسمية المتلازمة دي أزمة ثلث العمر .. دي بتحصل عموما في الاشخاص ذوي معدل الذكاء فوق 120 " ذوي الاحتياجات الخاصة" وذوي الاحتياجات هم من يطمحون دوما الي تحقيق الذات بلا توقف .. قدرة لا مثيل لها على جلد الذات ولابد من تلبية الاحتياجات بإنجاز ما من حين إلى آخر.. وكلما زاد ذكاءك زادت معاناتك و بدات اسرع في الاعراض .. الاعراض دي بقى بتتلخص في حنق على الذات .. المعرفة رويدا رويدا أن احلامك الوردية بدأت تبهت تدريجيا تحت وطأة الواقع القاسي الامبالي بك .. تبدأ ببطئ ومرارة تشعر بنفس الشعور الحائر للعلماء قديما عندما بدءوا في الشك أن الكون لا يدور حول الارض وأن الشمس لا تدور حول الارض تبدا أنت تعي تدريجيا أن الكون لا يدور حول الارض ولا الارض تدور حولك وأن احدا لايأبه بك اكثر من نفسك و في بعض الاحيان تبدا تشعر بالخيانة من نفسك ذاتها .. كيف خنت نفسك ؟ لماذا عجزت عن وضعك على اول الطريق الذي اتفقتم عليه ؟

- الم يكن غرورك يصور لك إنك أعظم بني أدم واطيبهم وارقهم وممكن اذكاهم ؟

- نعم ومازل الحق يقال

- طب فين ده على ارض الواقع ؟

-..........

الاجابة على السؤال في الحوار الطفولي ده هي البوابة التي يعبر منها الشخص من المراهقة إلى النضج .. من الغضب على الحياة إلى الاستمتاع بها ..

من الانسياق وراء ضغط الاقران " peer pressure " إلى العزلة ومنها إلى الاختلاط بهم مع عدم الانصياع إلى ما لا يناسبك ..

هو ما يقودك من احساس من الاكتئاب المتقطع .. عدم الرضى عن النفس او الرضى الشديد .. ما يعبر بك هو ... لأ أدعي إني توصلت لإجابة قاطعة واضحة جلية جميلة كالشمس .. لا ادعي إني توصلت إلى الحقيقة الكاملة . ولكن وصلت لبعض الاجابات التي فرجت عني بعض شظايا هذه الازمة ..

بعض الاجابات لذوي الاحتياجات الخاصة من امثالي .. إنه الله قسم الارزاق بين الناس ليس فقط في المال ولكن في العلم و الجمال و الطباع والعقل والفهم والقدرات الفردية لحكمة يعلمها وحده لا تبدوا ظاهرة لك ولكنها موجوده في كثير من الاحيان لا تبدو عادلة .. أيضا بعض مما اراح بالي إن كثيرا ممن اراهم يمرون بنفس الاعراض هم في الحقيقة من اكثر الناس قدرة و قابيلة واكثرهم إنجازا ولكنها فقط نفس تواقة للأفضل .. إذن ليس الامر فقط ان الانسان خذل نفسه لو قعدت به همته عن حلمه .. ربما هو يفعل ما لا يرى و لديه ما لا يرى ..

بعض هذه الاجابات في معرفة أن ليس كامل السعادة ان تكون مبهرا للناس .. اجتماعي تتبع الموجة .. كثير الخروج ولكن بعضا من العزلة يفيد ترجع بعده بشخصية مستقلة لا تقلد هذا او ذاك في شيء صح او خطأ حتى تكون لك قناعاتك الشخصية .. متى طورت شخصية تفكر بذاتها ولنفسها ولا تدع أحدأ آخر يفكر لك فهذا شق من النضج لا بأس به ..

لقد استغرقني الامر أشهرا لكي ادرك اني في مشكلة أصلا ولم ولن يستطيع احد مساعدتي في إيجاد أي إجابة لأسئلتي .. .. ولن يستطيع احد مساعدتك .. كل من قال لي انت عظيم انت موهوب انت تستجق الافضل انت اجمل إنسان لم يساعدني لأني كذب علي وعلى نفسه.. هي لجة علينا جميعا ان نعبرها بنفسنا على قواربنا الخاصة .. لنصل لشطوط نحن نحددها .. فلن يعبر معك أحد ولا ينبغي لأحد ان يحدد لك اين ترسو ....

كما أنا

لو أن الحب يباع ويشترى..

لن اشتريه ...

لو أنه بالشعر يرتجى..

لن ارتجيه ...

لن اسأله ...

ليس لي غير قلبي..

رأس مال ..

أبذله ....

لن اساوم على هويتي ..

من أكون ..

ومن أنا ..

الحب ان تقبلني ..

كما اكون ....

الحب حرفين ..

لكنه..

اكبر من كلمة " أنا"

اكبر من " أنا اريد "

ما احببتني لو قلت..

" احبك..

ولكن كن شخصا جديد ...

كما اريد "

فلست افضل من احبك ..

ولن اكون..

ولست اول من احبك ..

ولن اكون ..

الاخير ...

ولست اطلب الكثير ..

أحبيني بلاشروط ..

بلا قيود ..

كما احبك ِ.

عندها..

سيكون شعري كله ..

لكِ.....

ملكي كله ..

سيكون ملككِ

شيئا رخيصا..

لا يساوي حبك .....

لكنني..

لن اشتريه..

ولن اطلبه ..

ولو بالشعر احصل عليه

لن اكتبه ....

11/1/2011