لي عدة شهور لم ادون فيها .. مشغولا بحياتي الخاصة و الدراسية وغيره
ولكن انا داخل على جواز قريب ولو مكتبتش عن اللي حصل امبارح مع الشيخ حازم اظن مش حعرف اخلف طول حياتي !
امس كان مارثون طويل من الشد والجذب بين يسري فودة والشيخ حازم صلاح
وطبعا لأن كلاهما يدرك معنى وخبايا الحروف فمحدش غلب التاني .. الوحيد الذي غلب هو المشاهد
اما المشاهد من الحازمون وهو يرى القديس حازم صلاح ابو اسماعيل يضرب بيد من حديد على راس يسري فودة الغير مهني على الأطلاق
او المشاهد اللي مش من حازمون اللي جاله الضغط والسكر و جميع امراض الذكورة والعقم وهو يرى الشيخ يلف ويدور دون ان يخرج " بعقاد نافع "
ملخص كلامي عن الحلقة هما كلمتين محشروين في زوري لازم اقولهم وانا اعرف تمام المعرفة ان الحازم ( مفرد حازمون ) حيظل حازم !
أولا
حازم صلاح ابو اسماعيل ارسل كثير من الرسائل الغير مفهومة فانا حتى هذه اللحظة لم افهم :
1- هل يعترف ان من في الشارع هم انصاره ام ليس له علاقة بهم ؟
2- هل حاول تهدئة الجمع ام انه ليس له علي سلطان ؟ واذا لم يكن عليه كلمة كيف يقول انه سيحشد لاحد المرشحين الأسلاميين ؟
3- هو يرى انه على حق وانه يقول للناس انه على حق وان الثائرون له ثائرون لقضية وثائرون للحق .. ام يقول لهم ارجعو بيوتكم ؟!
4- هو يقرأ بيناته من على صفحة حازم صلاح ابو اسماعيل .. ولكن هو ليس له اكونت على الفيس بوك واسألو مكي !
5- هو راجل صاحب مشروع ام رجل محامي ام رجل شيخ او انه فقط يريد غلق المحلات التجارية في الشوارع الرئيسية لتخفيف الازدحام وحل مشاكل العنوسة بنسبة 100 % ( من برنامجه الأنتخابي )
6- هو مع الأستفتاء قلبا وقالبا .. ولا المادة 28 دي مادة بنت كلب اخرجته من الأنتخابات الرئاسية ؟
ثانيا :
حازم صلاح ابو اسماعيل كان واضح جدا انه بيحور وبيلعب على الكلمة بغض النظر عن أي حقيقة وقد ظهر ذلك في :
1- مهدي عاكف يقول : استقال واترشح
فيرد حازم : شوفت استقال واترشح مش استقال عشان يترشح
ثم يستوعب حازم انه هكذا يقر الأستقالة
فيعقب : ولكن مفيش استقاله اصلا
2- يسأله يسري فودة : انت كنت مع الأستفتاء
يرد نعم
يسري : سنعرض لفيديو لمؤتمر المجلس العسكري
اللواء ممدوح شاهين في المؤتمر : المادة 28 مستفتى عليها احنا مالناش دعوة
ثم مش استفتاء واحد دول 3 استفتاءات بس احنا خليناها اشراف قضائي كامل
يستشعر حازم صلاح الفرصة : شوفت ؟ دول بيتكلمو على استفتاءات مبارك المزورة شوف دول فلول
( طيب يا علق واحد من الأستفتاءات التلاته دول انت دعيت الناس توافق عليه برضو )
ثم يستشعر ان هذا لم يكن كافيا فيقول : مجلس العسكري مش مسئول مجلس الشعب مسئول :( ساعتها انا رفعت حتة دين حاجب ) يطنب في تحويره : هما قالو حيطهروا الشرطة ومطهروهاش وهما قالو حيعملو قانون الهيئات القضائية ومعملوش كده وعشان كده اللجنة فلول ( طيب يا بتاع احنا اصلا بتكلم في طريقة عمل اللجنة التي اقرت في التعديلات مش في اعضائها )
وهكذا يستمر مسلسل حرق الدم
3- يسري يريه نص رسالة من وزارة الخارجية الأمريكية : يرد مين قال ان دي امريكا department of state ممكن تكون في اي حتة .. طيب بالنسبة انه قايلة ان فلانة دي مواطنة امريكية " ده بالنسبة للجنسية " طيب بالنسبة لكلمة واشنطن ىه بس مش مكتوب امريكا
طيب دي diplomatic note يرد حازم صلاح ابو خره بكل بجاحة : لا لأ نوت مش يعني مذكرة .. نوت دي احنا بناخدها في المؤتمرات .. يسري يذهل !! ثم يقول يا استاذ حازم يرد حازم لأ لأ انت مش سايبني اكمل كلامي !
ثالثا :
يسري فودة لم يسقط في نظر الثوار كما يروج الحازمون
يسيري فودة لم يكن سيء
يسري فودة كان اكثر مذيع رحب بحازم صلاح ابو اسماعيل اول ما طلع
يسري فودة كا متوتر ومحمر لأنه يساهم بشكل او باخر في تاجيج الوضع لانه لم يستطع ان يثبت على حازم كذبا
يسري فودة احمر وجهه غضبا في اخر الحلقة من كثرة كذب حازم صلاح وهو لا يستطيع معه سبيلا
انا لو مكان يسري فوده حقول لحازم انت راجل ابن**** *** وانا غلطان اني عملت معاك لقاء وحقوم وامشي
مش معنى كده اني يسري كان متحيز اطلاقا .. يسري كان بيعمل شغله
انتم عايزين مذيع يطلع يقول الشيخ بريء .. الأعلام وحش .. الأسلام راجع .. والله ترون الحق ولو بعد حين
وينهي البرنامج ..
عشان تقولوا على يسري فودة منصف
رابعا :
انا ينتابني الحنق الشديد والغضب الشديد كلما تذكرت هذا الرجل واقدر موقف يسري فودة جدا وانا اعرف انه كثيرا لم يسكت عن عي أو عجز انما مثلي الأن لا استطيع مواصلة الكتابة من فرط الحنق والغضب من هذه الكمية من الكذب والتحوير واللف والدوارن والمجادلة في الحقائق و لي عنق المسلمات
