بتهمة العيب في الذات السلفية

صباحكم مندي 

بس مش مندي اوي .. هو في شوية حاجات مقرفة كدا 

لازم نتكلم عليها 

ايه قصة السلفيين بقى 

بقو الهه ولا ايه ؟ 

ممنوع النقد ؟ 

ممن الأقتراب او التصوير ؟

وايه قصتهم مع عبده مشتاق ؟ رافعين قضية على مصطفى حسين واحمد رجب ليه ؟
عشان بيألس عليهم 

عشان عبده مشتاق بطل الكاريكتير عايز يربي دقنه ويبقى شيخ سلفي عشان يبقى عضو مجلس الشعب ؟

ايه ده يا ولاد هو صحيح الحزب الطني حيطلع اكثر ديموقراطية من السلفيين ؟
يعني الكاريكتير ده فضل يترسم ويالس على عبده مشتاق بصفتنه شخصية سياسية تريد الوصول للمناصب  واستهان بالحزب الوطني في عز جبروته 

يجي السلفيين يرفعو قضيه عليه عشان بيعيب في الأسلام ؟

اسلام مين  يا ولاد 

ناقص تقوليلي انها رسومات مسيئة لله وللرسول وتعيب في الذات السلفية !!
؟

هو الأسلام بقى هو السلفية ؟

الأسلام بقى لحية وغتره وشنب محلوق !!
ولحوم العلماء مسمومة 

مين اللي اعطاكم صك العلم ؟ 

وليس هناك غير قابل لنقد سوى الرسول 

فلحوم العلماء مسمومة دي لفظة ضد الأسلام اصلا 

بعدين 

فيه ايه يعني 

بلاغ بتهمة ايه ؟
واضح انه في قواميس الوهابية حرية التعبير .. تكون فقط في موضوع التعبيرف يالمدارس .. ولك كامل الحرية في موضوع التعبير ان تمدح في شيوخ الزلفيين

وبعدين الفارس الهمام المدافع عن الإسلام  الذي اخترق موقع الجريده 

شايف انه من حقه يغير بايديه
وعاملي هاك على الموقع 

يخي ملعون ابو الجهل

"عندما يسيطر الجهل و الغباء على العقول

أولا بيدى صاحبه التصور انه "مصلح" اجتماعى و بيجبر المجتمع على "الصح"

ثانيا مش بيخلى صاحبه يفهم اللى مكتوب و ياخد الامور بالشبه

ثالثا بيصور للشخص ان كل الناس ضده و اى حاجة منشورة تستهدف "عقيدته" أولا و أخيرا

" 
الصديق احمد مصطفى 

عايزين الحق ؟ ومحدش يزعل مني ؟ الدفاع عن حرية التعبير في مصر معركة خاسرة .. الدفاع عن الحرية في شعب يخاف منها .. معركة خاسرة .. بس مش ناوي ابطل .. وياليت قومي يعلمون  !!